XƏBƏR LENTİ
18:27İlham Əliyev AKP sədrinin birinci müavinini qəbul etdi12:33Bakıda dustaq məhkəmədən qaçdı11:44KARANTİN REJİMİ SƏRTLƏŞDİRİLİR? - Operativ Qərargahdan açıqlama08:55Türkiyənin hakim partiyasının nümayəndə heyəti Azərbaycana gəlib - FOTOLAR08:00ERMƏNİLƏRDƏN YENİCƏ GERİ ALDIĞIMIZ YÜKSƏKLİKLƏR - "Silahlarını atıb qaçıblar" + VİDEO19:49Vətəndaşlara külli miqdarda ziyan vuran şəxs Rusiyadan ekstradisiya olunub13:58Azərbaycanın Müdafiə naziri Hulusi Akara və Yaşar Gülerə başsağlığı verdi13:51ŞEYXİN ƏNDAZƏNİ AŞAN İRAN SEVGİSİ – Qələbəmiz üçün kiminsə fətvasına ehtiyacımız vardımı?09:05Paşinyanın yenidən sülhə can atmasının sirri: Rəsmi Bakı və Kremlin təhlükəli mesajını anladı08:21Tokio-2020 Yay Olimpiya Oyunları başlayır08:00“NƏ STATUS, NƏ DAĞLIQ QARABAĞ...” - "Dəqiq bilirik orada nə qədər adam yaşayır, Xankəndini də, dəhlizi də görürük" (TAM MƏTN)09:44Almaniyanın qərbindəki daşqınlar 360 nəfərə zərər vurub09:02Bakı yeni cəbhə açır: “Zəngəzur təsadüfən gündəmə gəlməyib”08:48ABŞ və Türkiyə prezidentlərinin müşavirləri regional məsələləri müzakirə ediblər08:23Partiya sədri ilə sabiq deputat arasında torpaq davası – “Rəsul Quliyev mənə bağışlayıb”08:00"Şərqi Zəngəzur iqtisadi rayonu inkişafa güclü təkan olacaq" - Rusiyalı politoloq18:44Prokurorluq işçilərinin sosial müdafiəsi gücləndirilir - FƏRMAN16:21"Ermənistan tərəfi qəsdən Azərbaycanı təxribata çəkir" - Şevçenko16:16RUSİYA MÜDAFİƏ NAZİRLİYİ PUTİNİN İMZASINI HEÇƏ SAYDI... - Və ya Ermənistan qoşunları Rusiya sülhməramlılarının arxasına necə keçib?12:51“HANSISA MİNSK QRUPUNDA MƏSƏLƏLƏRİNIZİ HƏLL EDƏ BİLMƏYƏCƏKSİNİZ!” - Dumanın komitə sədri erməniləri qəzəbləndirib11:47UKRAYNA MAFİOZ NAZİRDƏN CANINI QURTARDI - Erməni Avakov niyə yola salındı?09:00DÖVLƏT NECƏ TƏNƏZZÜLƏ SÜRÜKLƏNİR? - “5-ci kolon” Prezidentin iqtisadi siyasətini boykot edir08:17Bakıda genişmiqyaslı əməliyyat - "Patı”, “şüşə” satan 19 nəfər saxlanıldı + FOTOLAR/VİDEO08:00Naxçıvan-Bakı-Naxçıvan avtobus marşrutu fəaliyyətini bərpa edir15:31NAXÇIVAN SƏRHƏDİNDƏ ATIŞMA - Hərbçimiz yaralanıb, 1 erməni hərbçisi ölüb (Yenilənib)21:47Müddətli hərbi xidmətdə olan şəxslərin övladlarına müavinət ödəniləcək11:02Əlillik təyinatı yenidən aparılan vətəndaşlar son 6 ayın pulunu ala biləcəklərmi?.. - AKTUAL10:19Nazim İbrahimovun qardaşı məhkəmə qarşısına çıxarılır10:00KTMT dağılır: Kremlin siyasi hiyləsi fayda vermədi - TƏHLİL09:45Azərbaycanda bələdiyyə sədrinə cinayət işi açıldı08:00“AZƏRBAYCAN HÜCUM DİPLOMATİYASINA KEÇMƏLİDİR” – “Rusiya qarşısında tələb qoymalıyıq...”21:49Şəhid ailələrindən pul alaraq çəkiliş edən jurnalistlər həbs edilib - FOTO18:44TARİF ŞURASINA YENİ SƏLAHİYYƏT VERİLİB - Fərman17:57Bakıda həkimi şantaj edən baş redaktor həbs edilib14:23RAMİN HACILI İLƏ BİRGƏ SAXLANILANLARIN ADLARI AÇIQLANDI - "Siyasi sığınacaq" alveri edənlərin həbsilə bağlı rəsmi açıqlama12:30MƏHKƏMƏLƏR ŞİKAYƏTLƏRƏ YENİ QAYDALARLA BAXACAQ - Qanunda nələr dəyişdi?20:44"Bu davranış gözlənilən sülh müqaviləsinə əngəl olacaq" - 3 səfirin Şuşa səfərindən imtinasına SƏRT REAKSİYA18:43"DAĞLIQ QARABAĞ" İFADƏSİ TARİXDƏN SİLİNİR - “Əliyev bu fərmanla Rusiya ilə hesablaşmadığını göstərdi” + VİDEO16:05ZƏNGƏZUR DƏHLİZİ YAXIN 6 AY ƏRZİNDƏ AÇILACAQ - Putin Paşinyanı Moskvaya niyə çağırıb?19:23ŞİRKƏT RƏHBƏRİ BARƏSİNDƏ AXTARIŞ ELAN OLUNDU - 70-ə yaxın şəxsi aldadıb18:40Baş Prokurorluğun Elm-Tədris Mərkəzi ilə Türkiyə Ədliyyə Akademiyası arasında anlaşma memorandumu imzalanıb11:02Rövşən Əkbərovun məhkəməsinin vaxtı məlum olub21:3244 günlük müharibənin gözə görünməyən qəhramanları19:47LAÇINDA HƏRBİ YÜK AVTOMOBİLİ QƏZAYA UĞRADI - İki hərbçi həlak olub + FOTO12:01"BUNLAR SİRDİR..." - Müdafiə naziri müharibə zamanı səhvlər barədə09:37“Peyvəndlər bərabər paylansaydı, indiyədək pandemiyaya nəzarət edə bilərdik” - ÜST rəhbəri08:41BÖYÜK MÜHARİBƏ QARA DƏNİZDƏ BAŞLAYA BİLƏR! – Rusiya Britaniya gəmisinə atəş açmaqla nəyi göstərir?08:00“Avropa İttifaqı Rusiya ilə güc mövqeyindən danışacaq” - Fon der Lyayen09:06Qarabağda Rusiya sülhməramlıları ermənilərin basdırdığı minaya düşdü08:44Sankt-Peterburqda erməni təxribatının qarşısı alındı - FOTO08:24“Qala” restoranının sahibi həbs edildi08:17"Bu təxribatların arxasında Kreml və Koçaryana bağlı qüvvələr dayanır" - Sərhəddəki insidentlə bağlı MÜHÜM AÇIQLAMA08:00“Dünya sürətlə “soyuq müharibə”dən daha təhlükəli qarşıdurmaya daxil olur” – Şoyqudan KRİTİK AÇIQLAMA08:17Rektorun vəzifədən çıxarılma səbəbi - Yalan məlumat və rüşvət...08:00“TURKOVAC peyvədinin 3-cü fazası Azərbaycanda da aparılacaq” - Fəxrəddin Qoca09:07ŞUŞA ƏMƏLİYYATINDAN ƏVVƏL ERMƏNİ BUNKERİNDƏ NƏDƏN DANIŞILIB? - VİDEO08:52Qara dəniz heç vaxt “rus gölü” olmayacaq – Danilov08:33"BU ADAM DƏFƏLƏRLƏ İFŞA OLUNMASINA BAXMAYARAQ..." - Ramiz Mehdiyevə ağır ittihamlar08:00700-dək qaziyə əlillik dərəcələri təyin olunub - Nazirlik09:12"Şuşa Bəyannaməsi imzalanandan sonra narahatlıq üçün əsas yoxdur" - Qüdrət Həsənquliyev08:49Şuşa Bəyannaməsi bölgədə sülhə xidmət edəcək - Türk Şurasının Baş katibi08:00“Ermənistan səhvlərindən dərs alıb sülhlə bağlı fürsəti dəyərləndirsin” - Mövlut Çavuşoğlu12:44ZƏNGƏZUR DƏHLİZİ, AZƏRBAYCANDA HƏRBİ BAZA, BAYDENLƏ GÖRÜŞ... - Ərdoğanın Bakıdakı mətbuat konfransının TAM MƏTNİ12:34ŞUŞA BƏYANNAMƏSİNİN DAHA BİR SİRRİ... - Azərbaycan NATO tipli orduya keçidi sürətləndirəcək08:55“TÜRK ORDUSU İSTƏNİLƏN ZAMAN AZƏRBAYCANDA OLA BİLƏR...” – “Şuşa Bəyannaməsi dünyaya göstərdi ki, Azərbaycanın xarici siyasəti hansı istiqamətdədir”08:00Türkiyə yeni kamikadze-dronu uğurla sınaqdan keçirib08:00Türkiyə Kabil aeroportunun təhlükəsizliyini təmin edəcək08:19"Dünya Qarabağı Azərbaycan ərazisi hesab edir, hər şey bitdi" - Levon Ter-Petrosyan08:00PREZİDENTLƏR BİRGƏ BƏYANATLA ÇIXIŞ ETDİLƏR - Bəyannamədən danışdılar + TAM MƏTN (VİDEO)19:21ŞUŞA BƏYANNAMƏSİNİN DETALLARI AÇIQLANDI - "Üçüncü dövlət və ya dövlətlər tərəfindən təhdid və ya təcavüzə məruz qalarsa..." + VİDEO18:57"TÜRKİYƏ QARABAĞIN TƏHLÜKƏSİZLİYİNİ ÖZ TƏMİNATI ALTINA ALDI" - Politoloq Şuşa Bəyannaməsini şərh etdi18:05"GƏLƏCƏK NƏSİLLƏRƏ YOL GÖSTƏRİRİK" - “Şuşa bəyannaməsi tarixi Qars müqaviləsinə istinad edir”16:24"Milli Qurtuluş Günündə Şuşadayıq" - Ərdoğan15:40AZƏRBAYCAN və TÜRKİYƏ PREZİDENTLƏRİ ŞUŞADA - CANLI YAYIM (Yenilənir)13:03"Türkiyə bizik, Anadolu bizik, Azərbaycan bizik" - Selçuk Bayraktar12:54Neftin qiymətində rekord bahalaşma - Ekspert qiymət artımının 5 səbəbini göstərir21:24Ərdoğanla Bayden arasında görüş başa çatıb - YENİLƏNİB20:26AMEA-nın vəzifəli şəxsi barədə cinayət işi başlanıb18:02"ƏRDOĞANIN ŞUŞA SƏFƏRİ İLƏ TÜRKİYƏ YENİ DÜZƏNƏ MÖHÜRÜNÜ VURACAQ" - "Müharibə hələ başa çatmayıb və bu..."17:14Bu il 14778 nikah və 5423 boşanma halı qeydə alınıb13:30Təhsil naziri “Son zəng” çaldı - VİDEO12:57DİN-dən iş adamının kürəkəninin törətdiyi qəza ilə bağlı daha bir açıqlama12:15“ÜÇTƏRƏFLİ BƏYANATDAN ÇIXMALIYIQ!” – “Ermənistan kimdir ki, müstəqil siyasət aparsın?”10:21Məktəblərdə “Son zəng” çalınır17:16ABEL MƏHƏRRƏMOV HAKİMƏ QƏTNAMƏSİNİ GERİ OXUTDURUB? - Məhkəmədən açıqlama (Yenilənib)16:11TƏHSİL VƏ ELM SAHƏSİNDƏ HƏLLİ VACİB PROBLEMLƏR - Hansı qərarlar veriləcək?14:03HAKİMƏ QƏRARINI GERİ OXUTDURAN “QƏHRƏMAN”... – Və məhkəmələrimizin bitməyən rəzaləti11:36İKİ ŞİRKƏTİN VƏZİFƏLİ ŞƏXSİNƏ CİNAYƏT İŞİ AÇILIB - Saxta tibbi arayışlar verdikləri üçün11:08SABİQ DEPUTAT HƏBS OLUNA BİLƏR - Mahmudova yaxın bankirin ölkədən çıxışı yasaqlanıb10:46Azərbaycan nefti bahalaşmaqda davam edir09:30Ermənistan vətəndaşlarından ibarət terrorçu silahlı birləşmənin 26 üzvünün adları məlum olub21:03Nərgiz Nağıyeva sədr müavini seçildi09:03“TƏKLƏNƏN” PAŞİNYAN VƏ İNTİQAM VƏDLƏRİ... - Ermənistan vətəndaş müharibəsinə doğru sürüklənir08:00Azərbaycanda bu gündən məscidlər açılır - İdman zallarının fəaliyyəti də bərpa edilir10:33Məşhur fotoqraf Kəlbəcərdə minaya düşməkdən son anda xilas olub - VİDEO09:19ƏLİ HƏSƏNOVUN KÜRƏKƏNİ DAXİLİ İŞLƏR ORQANLARINDAN XARİC EDİLDİ - FOTO08:32“ƏRDOĞANIN SƏFƏRİNDƏN SONRA YENİ SİTUASİYA YARANACAQ – “Minaya-mina, yumruğa-yumruqla cavab verməliyik”08:00“ELƏ HAQSIZ ADDIMLAR ATILIR Kİ..." - Deputat nazirlikləri sərt tənqid etdi18:50“HÖKUMƏTİN QARABAĞA QAYIDIŞLA BAĞLI PLANI VARMI?” – “Niyə ictimaiyyətə məlumat verilmir?”17:44“ELƏ HAQSIZ ADDIMLAR ATILIR Kİ..." - Deputat nazirlikləri sərt tənqid etdi
BÜTÜN XƏBƏRLƏR
Temmuz 2021 (43)
Haziran 2021 (88)
Mayıs 2021 (90)
Nisan 2021 (167)
Mart 2021 (259)
Şubat 2021 (292)

«    Temmuz 2021    »
PtSaÇrPrCuCtPz
 1234
567891011
12131415161718
19202122232425
262728293031 

PREZİDENTLƏR BİRGƏ BƏYANATLA ÇIXIŞ ETDİLƏR - Bəyannamədən danışdılar + TAM MƏTN (VİDEO)

16 Haz 2021, 08:00   
    33
PREZİDENTLƏR BİRGƏ BƏYANATLA ÇIXIŞ ETDİLƏR - Bəyannamədən danışdılar + TAM MƏTN (VİDEO)
İyunun 15-də Şuşa Bəyannaməsinin imzalanmasından sonra Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan mətbuata birgə bəyanatlarla çıxış ediblər. AZƏRTAC xəbər verir ki, əvvəlcə dövlətimizin başçısı bəyanatla çıxış etdi.

Prezident İlham Əliyevin bəyanatı

-Hörmətli cənab Prezident, əziz qardaşım Rəcəb Tayyib Ərdoğan.

Türkiyədən gəlmiş hörmətli qonaqlar.

Xanımlar və cənablar.

Bu gün həyatımızda əlamətdar gündür, tarixi bir gündür. Bu gün biz qardaş ölkənin əziz Cümhurbaşqanı Rəcəb Tayyib Ərdoğanı Qarabağ torpağında, Şuşa torpağında salamlayırıq. Mən fürsətdən istifadə edərək, bütün Azərbaycan xalqı adından əziz qardaşımı Şuşada, Qarabağda salamlamaq istəyirəm.

Əziz qardaşım Azərbaycanda dəfələrlə olub, ancaq biz ilk dəfə Qarabağ torpağında - Şuşada bir yerdəyik. Bu səfərin tarixi əhəmiyyəti var. Çünki bu gün imzalanmış Birgə Bəyannamə - Müttəfiqlik haqqında Bəyannamə əlaqələrimizi ən yüksək zirvəyə qaldırır. Bəyannamənin adı Müttəfiqlik haqqında Bəyannamədir və bu ad özü-özlüyündə hər şeyi göstərir, hər şeyi deyir. Biz bu gün keyfiyyətcə yeni əlaqələr qurmuşuq və bu Bəyannamədə göstərilən bütün müddəalar bizim gələcək iş birliyimizin təminatçısıdır.

Mən mətbuat konfranslarında, öz çıxışlarımda dəfələrlə demişəm ki, bu gün Türkiyə və Azərbaycan bir-birinə dünya çapında ən yaxın olan ölkələrdir. Bizi birləşdirən bir çox amillər var, ilk növbədə, tarix, mədəniyyət, ortaq etnik köklər, dilimiz, dinimiz, milli dəyərlərimiz, milli maraqlarımız, xalqlarımızın qardaşlığı bu birliyi təmin edib. Bu gün biz dünya miqyasında, dünya çapında nadir əməkdaşlıq, iş birliyi, müttəfiqlik nümunəsi göstəririk.

İmzalanmış Bəyannamə tarixə əsaslanır. Bəyannamədə xalqlarımızın böyük liderləri, öndərləri Mustafa Kamal Atatürkün və Heydər Əliyevin kəlamları öz əksini tapıb. XX əsrin əvvəllərində Mustafa Kamal Atatürk demişdir: “Azərbaycanın sevinci sevincimiz, kədəri kədərimizdir”. XX əsrin sonlarında Heydər Əliyev demişdir: “Türkiyə və Azərbaycan bir millət, iki dövlətdir”. Bu tarixi sözlər, kəlamlar bizim fəaliyyətimiz üçün əsas amildir. Biz bu vəsiyyətə sadiqik və XXI əsrdə azad edilmiş Şuşada Müttəfiqlik Bəyannaməsini imzalayarkən əcdadlarımıza sadiqliyimizi nümayiş etdiririk və gələcək nəsillərə yol göstəririk.

Birgə Bəyannamədə tarixi Qars müqaviləsinə istinad edilir. Tarixi Qars müqaviləsi düz 100 il bundan əvvəl imzalanmışdır. Bu da böyük rəmzi məna daşıyır. Azad edilmiş Şuşa şəhərində 100 ildən sonra müttəfiqlik haqqında imzalanan Birgə Bəyannamə bizim gələcək iş birliyimizin istiqamətini göstərir.

PREZİDENTLƏR BİRGƏ BƏYANATLA ÇIXIŞ ETDİLƏR - Bəyannamədən danışdılar + TAM MƏTN (VİDEO)

Bəyannamədə bir çox önəmli məsələlər öz əksini tapır. Beynəlxalq müstəvidə birgə əməkdaşlığımız, fəaliyyətimiz, siyasi əlaqələr, iqtisadi-ticarət əlaqələri, mədəniyyət, təhsil, idman, gənclər siyasəti, demək olar ki, bütün sahələr əhatə olunur. Enerji təhlükəsizliyinin, Cənub Qaz Dəhlizinin önəmi Türkiyə, Azərbaycan və Avropa üçün göstərilir və hər bir məsələ çox böyük önəm daşıyır. Mən onların arasında iki məsələni xüsusilə qeyd etmək istərdim. Birincisi, müdafiə sahəsində əməkdaşlıq, iş birliyi məsələsi. Müdafiə sənayesi sahəsində və qarşılıqlı hərbi yardım məsələləri bu Bəyannamədə öz əksini tapır. Bu, tarixi nailiyyətdir. Biz bir daha göstəririk ki, bundan sonra da hər zaman bir yerdə olacağıq. Bundan sonra da bir-birimizin təhlükəsizliyini təmin edəcəyik, necə ki, bu günə qədər Türkiyə və Azərbaycan bütün məsələlərdə bir yerdədir, bundan sonra da bu, belə olacaq.

İkinci önəmli məsələ nəqliyyat məsələsidir. Bəyannamədə Zəngəzur dəhlizinin açılması ilə bağlı çox açıq ifadələr öz əksini tapmışdır. Bu da İkinci Qarabağ savaşından sonra yaranmış yeni geosiyasi vəziyyətin nəticəsidir. Bu gün biz Türkiyəni və Azərbaycanı dəmir yolu ilə, avtomobil yolu ilə birləşdirəcək Zəngəzur dəhlizi haqqında nəinki danışırıq, bu dəhlizi əməli işlərlə yaradırıq. Müttəfiqlik haqqında imzalanmış Birgə Bəyannamədə bu məsələnin əks olunması böyük məna daşıyır.

Bu gün biz azad edilmiş Şuşada görüşürük. Bu gün bütün Azərbaycan xalqının, əminəm ki, türk xalqının gözü buradadır, dünyanın gözü buradadır. Çünki bu səfər Azərbaycanda səbirsizliklə gözlənilirdi və bilirəm ki, böyük maraq doğurur. Bu gün buradan - qədim şəhərimiz olan Şuşadan verilən açıqlamalar bütün dünyaya səs salacaq, bunun böyük əks-sədası olacaqdır. Bu səfərin tarixi əhəmiyyəti bundan sonra uzun illər ərzində dillərdə olacaqdır.

Şuşa şəhəri işğaldan keçən il noyabrın 8-də azad edilmişdir. Şuşa şəhərini azad etmək böyük qəhrəmanlıq tələb edirdi. Şuşaya gələn hər bir insan bu sıldırım qayalara baxarkən görür ki, bu şəhəri, alınmaz qala sayılan şəhəri götürmək, azad etmək böyük qəhrəmanlıq, peşəkarlıq, şücaət, fədakarlıq tələb edir. Qəhrəman Azərbaycan əsgərləri qan tökərək, şəhid olaraq, sıldırım qayalara dırmaşaraq, demək olar ki, yüngül silahlarla, əliyalın Şuşanı düşmənin əlindən aldı və Azərbaycan bayrağını ucaltdı.

Bu gün Şuşada dalğalanan Azərbaycan və Türkiyə bayraqları bizim birliyimizi göstərir. İkinci Qarabağ müharibəsi başlanan gündən, ilk saatlardan əziz qardaşım, sayın Cümhurbaşqanı Rəcəb Tayyib Ərdoğan Azərbaycana birmənalı, dəqiq və açıq dəstək ifadə etmişdir. Müharibənin ilk saatlarından o demişdir ki, Azərbaycan tək deyil. Bu, həm bizi ruhlandırdı, eyni zamanda, müdaxilə etmək fikrində olan bütün qüvvələri, dairələri dayandırdı, durdurdu. Dedi ki, Türkiyə Azərbaycanın yanındadır və müharibənin ilk saatlarından son dəqiqələrinə qədər əziz qardaşımın və Türkiyə Cümhuriyyətinin, qardaş türk xalqının dəstəyi bizə əlavə güc verirdi. Bu siyasi və mənəvi dəstək bizi ruhlandırırdı. Türkiyənin bütün yerlərindən gələn mesajlar, təbriklər, dəstək, həmrəylik ifadələri bir daha bütün dünyaya bizim birliyimizi nümayiş etdirmişdir.

Bu gün Türkiyənin mətbuat nümayəndələri burada - Şuşadadırlar, onların fəaliyyətini xüsusilə qeyd etmək istəyirəm. Onlar müharibənin ən təhlükəli anlarında real vəziyyəti əks etdirmək, tamaşaçılara və dünyaya çatdırmaq üçün öz həyatlarını risk altına atırdılar. Mən özüm şəxsən müharibə dövründə bir çox hallarda Türkiyə televiziya kanallarında gedən reportajları izləmişdim və bir daha görürdüm ki, burada təkcə peşəkarlıq məsələləri deyil, burada həmrəylik, sevgi ilə dolu reportajlar verilir. Azərbaycanın haqq səsi, Azərbaycanın haqlı olması dünyaya çatdırılır və ən təhlükəli yerlərdən, bombalar düşdüyü yerlərdən Türkiyənin mətbuat nümayəndələri dərhal oraya gəlmişlər, reportajlar hazırlamışlar. Onlar yaxşı bilirdilər ki, Ermənistan döyüş meydanında qarşımızda duruş gətirmədiyi üçün bizim mülki vətəndaşları uzaqmənzilli raketlərlə, “Toçka-U”, “İskəndər M” raketləri ilə atəşə tutub və bu namərd atəş nəticəsində 100-dən çox mülki şəxs, o cümlədən uşaqlar, qadınlar həlak olmuşlar. Biz müharibə dövründə bütün türk xalqının məhəbbətini, sevgisini, həmrəyliyini bir daha gördük. Onsuz da bilirdik ki, biz bir millət, iki dövlətik, necə ki, rəhmətlik atam demişdir. Ancaq müharibə bir daha bütün dünyaya bunu göstərdi və biz heç vaxt bu dəstəyi unutmayacağıq.

İkinci Qarabağ müharibəsi tarixdə qaldı, 44 günlük müharibə nəticəsində Ermənistan ordusu tam məhv edildi. Ermənistan diz çökdü, ağ bayraq qaldırdı, təslim oldu və məcbur olub Şuşa alınandan sonra kapitulyasiya aktına imza atdı və bizim digər bölgələrimiz bir atəş açmadan bizə qaytarıldı. Otuz ilə yaxın davam edən işğala son qoyuldu. Azərbaycan buna qardaş Türkiyənin dəstəyi ilə son qoydu. Otuz il ərzində aparılan danışıqlar heç bir nəticə vermədi. Bu, bir daha onu göstərir ki, iradə, əzmkarlıq, güc və ədalət olan yerdə hər şey əldə etmək mümkündür. Əlbəttə, Türkiyə kimi müttəfiqi olan Azərbaycan İkinci Qarabağ savaşında bundan ruhlanaraq tarixi missiyanı yerinə yetirdi, ədaləti bərpa etdi, ərazi bütövlüyünü bərpa etdi.

İndi isə yeni dövr başlayır. Əziz qardaşımla bu gün Füzuli şəhərində görüşərək, onu orada qarşılayaraq Füzulinin dağılmış mənzərəsini göstərdim, Füzuli şəhəri yoxdur. Siz də oradan keçmisiniz, görmüsünüz, bir dənə də salamat bina yoxdur. Mənfur düşmən bütün binalarımızı yerləbir edib. Ağdam da belə vəziyyətdədir. Bizim tarixi abidələrimizi dağıdıb, söküb və talan ediblər. Şuşa şəhəri görün nə gündədir. Şuşa tarixi şəhərdir və 28 il işğal dövründə burada bir dənə də bina tikilməmişdir. Mən əziz qardaşıma bax, bu binanı göstərdim, Şuşa valiliyinin binası, mənim rəhmətlik atamın dövründə tikilmişdir. Şuşadakı binalar həm onun dövründə, həm də Pənahəli xanın, İbrahimxəlil xanın dövründə tikilmişdir. Mənfur düşmən bir daşı daş üstə qoymamışdır. İndi Şuşanın dağılmış yerlərini siz görürsünüz, hələ biz bura əl gəzdirmişik. İlk dəfə mən bu ilin əvvəlində buraya gələndə şəhər tamamilə dağılmış vəziyyətdə idi.

Şuşa tarixi Azərbaycan şəhəridir. Çünki 1752-ci ildə Pənahəli xan bu şəhərin təməlini qoydu və ondan sonra bütün dövrlərdə Şuşada yaşayan əhalinin 98 faizi azərbaycanlılar idi və 30 il işğal altında qalmasına baxmayaraq Şuşa əyilmədi, öz milli ruhunu qoruya bildi, ləyaqətini qoruya bildi və bizi gözləyirdi. Biz də gəldik və Şuşanı azad etdik.

Bu gün qardaş ölkənin Cümhurbaşqanı tarixi şəhərdə bizim qonağımızdır və hiss etdiyimiz duyğuları sözlərlə ifadə etmək mümkün deyil. Mən əminəm ki, buraya gələn hər bir insan eyni duyğuları hiss edir və bu çox duyğusal günləri yaşadığımız üçün Ulu Tanrıya minnətdarıq.

Əziz qardaşım, biz Sizi səbirsizliklə Şuşada gözləyirdik, Sizi mən dəvət etmişdim. Biz - iki dövlətin Cümhurbaşqanı keçən ilin dekabr ayında hərbi paradı birlikdə qəbul edərkən razılaşdıq ki, növbəti görüş burada olacaq və belə də oldu. Bir daha xoş gəlmisiniz, doğma Vətəninizə xoş gəlmisiniz, Şuşamıza xoş gəlmisiniz!

Türkiyə-Azərbaycan birliyi, qardaşlığı əbədidir!

X X X

PREZİDENTLƏR BİRGƏ BƏYANATLA ÇIXIŞ ETDİLƏR - Bəyannamədən danışdılar + TAM MƏTN (VİDEO)

Sonra Türkiyə dövlətinin başçısı bəyanatla çıxış etdi.

Prezident Rəcəb Tayyib Ərdoğanın bəyanatı

- Hörmətli cənab Prezident, əziz qardaşım.

Hörmətli heyət üzvləri.

Sizləri ən səmimi hisslərimlə, sevgi ilə salamlayıram.

Bu gün təbii ki, fərqli bir həyəcanın, hisslərin içindəyik. Allaha şükür olsun ki, daha əvvəl verdiyimiz sözümüzü bu gün yerinə yetiririk. Qırx dörd günlük məlum müharibənin nəticəsində Qarabağ, çox şükürlər olsun ki, sahiblərinə qovuşdu və erməni zülmündən, erməni işğalından azad edildi.

Hazırda arxa fonda görünən bina, əslində, erməni zülmünün təəssüf ki, bu şah əsərləri nə hala gətirdiyinin bir ifadəsidir. Qardaşım da fon olaraq mətbuat konfransı üçün olduqca anlamlı bir yer seçib. Bir tərəfdə valilik binası, o biri tərəfdə də təəssüf ki, ermənilərin, necə deyərlər, yerlə-yeksan etdikləri bir bina.

15 İyun – Azərbaycanın Milli Qurtuluş Günü münasibətilə ümummilli lider Heydər Əliyevi rəhmətlə anırıq, ruhu şad olsun deyirik.

Bildiyiniz kimi, qəhrəman Azərbaycan Ordusunun Qarabağ Zəfərinin sevincini qardaşım cənab Əliyevlə keçən il dekabrın 10-da Bakıda birlikdə bölüşmüşdük. O gün tamamilə başqa bir coşqu, başqa bir həyəcan var idi. Altı ay sonra qədim Şuşa şəhərində onunla bir yerdə olmaqdan böyük məmnunluq duyuram. Verdiyimiz söz, çox şükür, yerinə yetirildi.

Azərbaycan xalqının Qarabağ Zəfərini bir daha təbrik edirəm. Tarixdə bir çox incəsənət xadimi yetişdirmiş Azərbaycanın mədəniyyət paytaxtı Şuşadan bölgəmizə və dünyaya verəcəyimiz mesajların çox önəmli olduğuna inanıram. Qardaşım Əliyevin uzaqgörən liderliyi və Müzəffər Ali Baş Komandanlığı ilə azadlığına qovuşan Qarabağın yenidən dirçəldilməsi işlərini yaxından izləyirik. Şuşaya gələrkən bu işləri gördük və siz də gördünüz. Fasiləsiz iş görülür, infrastruktur sahəsində intensiv iş aparılır. Bir tərəfdən yollar salınır, bir tərəfdən enerji stansiyaları açılır, bir tərəfdən yüksəkgərginlikli xətlər çəkilir. Bütün bunlarla yanaşı, susuz olan bu bölgə suya qovuşur. Bu işlər hazırda fasiləsiz davam edir. İnşallah, ən qısa vaxtda bölgə hava limanına, hava limanlarına da qovuşacaq. Təkbətək görüşdə də əziz qardaşım bunları mənə xüsusilə danışdı. Hava limanına, hava limanlarına da qovuşduqdan sonra buralara gəliş-gediş daha da artacaq və inanıram ki, bu bölgə o dövrdə turizmdə də ciddi bir sıçrayışı yaşayacaq.

Təbii ki, Qarabağ əvvəlki ehtişamına və öz kimliyinə qovuşacaq. Buna heç şübhəmiz yoxdur. Füzuli, Cəbrayıl, Zəngilan, Qubadlı, Laçın, Şuşa, Kəlbəcər, Ağdam, Xocavənd kimi Qarabağın qədim yaşayış məntəqələrinin yenidən inkişaf etdiyi günləri yaxın vaxtlarda hamımız birlikdə görəcəyik.

Türkiyə olaraq, azadlıq mübarizəsində olduğu kimi, bərpa işlərində də qardaşlarımıza hər cür dəstəyi veririk, verməkdə də davam edəcəyik. Ən qısa müddətdə evlərinə qayıtmalarını gözlədiyimiz azərbaycanlı qardaşlarımız üçün də hər cür səy göstərəcəyik. Təbii ki, bu məsələdə hörmətli qardaşımın xüsusi fəaliyyəti var. Yetər ki, buranın əsl sahibləri evlərinə, məskənlərinə qayıtsın. Onlara istər maliyyə köməyi, istərsə də iş imkanı ilə bağlı hər cür dəstəyi verməklə azərbaycanlı qardaşlarımızın öz evlərinə, öz məkanlarına geri qayıtmaları buraları ciddi mənada zənginləşdirəcək.

Təbii ki, bir tərəfdən dağıntıların fəsadlarını aradan qaldırarkən, digər tərəfdən də Qarabağın və Azərbaycan torpaqlarının bir daha belə bir fəlakət yaşamaması üçün lazımi tədbirləri birlikdə görəcəyik. Bizim də bu sahədə, inşallah, Mənzil İnşaat İdarəmizlə birlikdə burada bütün bölgədə planlaşdırdığımız addımlar var. Mənzil İnşaat İdarəmizlə buradakı aidiyyəti qurumla birlikdə çalışaraq bu addımları atacağıq.

Bölgədə təsiri olan hər kəsi həqiqətləri görməyə, Azərbaycan xalqının Zəfərini qəbul etməyə və gələcəyə baxmağa dəvət edirik. Atəşkəs razılaşmasından sonra artıq bölgədə bütün tərəflər üçün yeni əməkdaşlıq imkanları yaranıb. Azərbaycanlı qardaşlarımın bu məsələdə son dərəcə istəkli olmalarının ən yaxın şahidiyik.

Türkiyə olaraq biz də coğrafi qonşuluq əlaqələrimizi daha dərin əməkdaşlıqlara yönəltmək istəyirik. Ermənistanın ona xoş niyyətlə uzadılan həmrəylik əlini tutmasını, ortaq gələcəyi birlikdə formalaşdırmaq fürsətindən yaxşı istifadə etməsini arzu edirik. Altılı platforma dedik. Bu altılı platformada bildiyiniz kimi, Rusiya, Türkiyə, Azərbaycan, Ermənistan, Gürcüstan və İran var. Bu altılı platforma ilə birlikdə artıq istəyirik ki, bölgə rahatlıqla, sülh içində yaşanan bir bölgə olsun. Bu addımı atmaq üçün biz qardaşımla birlikdə hər cür fədakarlığa hazırıq. Cənab Putin eyni qaydada bu cür fədakarlığa hazırdır. Bu istiqamətdə atılacaq addımlarla bölgə bir sülh bölgəsinə çevriləcək.

Bu tarixi fürsətin reallığa söykənməyən həvəslər, ifadələr və fəaliyyətlərlə qaçırılmaması ən böyük arzumuzdur. Bölgədəki yeni reallığa fayda vermək istəyən hər kəsin nifrət və təhrik siyasətindən əl çəkərək sülh və əməkdaşlığı təşviq etməyə istiqamətlənməsi əsas şərtdir. Belə bir mühit formalaşanda Ermənistan ilə münasibətlərin normallaşması üçün biz də üzərimizə düşəni edəcəyimizi hər fürsətdə deyirik. Bu ümidverici proses Azərbaycan ilə Ermənistanın imzaladıqları atəşkəs razılaşmasını əhatəli və uzaqgörən bir sülh müqaviləsi ilə tamamladıqları halda çox sağlam şəkildə davam edəcəyinə inanırıq.

Hörmətli mətbuat nümayəndələri, hörmətli qonaqlar qardaşım Əliyev ilə bir az əvvəl baş tutan görüşdə əlaqələrimizi bir daha ətraflı nəzərdən keçirmək fürsətimiz oldu. Yüksək Səviyyəli Strateji Əməkdaşlıq Şurasının iclasını qarşıdakı aylarda Türkiyədə keçirəcəyik. Bildiyiniz kimi, 2021-ci il aprelin 1-dən etibarən iki ölkə arasında gediş-gəlişi şəxsiyyət vəsiqəsi ilə başlatmışıq. Bu addım qarşılıqlı əlaqələrimizi asanlaşdıraraq bizi bir-birimizə daha da yaxınlaşdıracaq.

Son dövrdə ikitərəfli ticarətimizdə mühüm addımlar atdıq. Preferensial Ticarət Sazişi 2021-ci il martın 1-də qüvvəyə mindi. Ticarət dövriyyəmizi 2023-cü ildə 15 milyard dollara çatdırmaq hədəfimizə doğru addım-addım irəliləyirik.

“Türkiyə Petrolları” başda olmaqla, bir çox şirkətimizin Azərbaycanda mühüm investisiyaları var. Eyni qaydada, SOCAR başda olmaqla, Azərbaycan şirkətlərinin Türkiyədəki sərmayələri bizi məmnun edir. Təkcə Türkiyədə deyil, lazım gələrsə, SOCAR ilə “Türkiyə Petrolları”nın üçüncü ölkələrdə də investisiya qoymaq məsələsini qardaşımla birlikdə müzakirə etdik. İnşallah, bunun üzərində də işləyirik və işləyəcəyik.

Qarşıdakı dövrdə ticari və iqtisadi əməkdaşlığımızın miqyasını daha da genişləndirəcəyik. Azərbaycan ilə Bakı-Tbilisi-Ceyhan, Bakı-Tbilisi-Qars və TANAP kimi nəhəng layihələri birlikdə tamamladıq. Bu layihələr ölkələrimizlə birlikdə bütün bölgənin rifahına və sabitliyinə töhfə verir. Trans-Adriatik boru kəməri layihəsi – TAP-ın tamamlanması ilə ölkəmiz ərazisindən keçən Azərbaycan təbii qazı Avropa bazarındakı yerini almışdır.

Bu gün, əziz qardaşımın da dediyi kimi, xüsusilə “bir millət, iki dövlət” təməli üzərində yüksəltdiyimiz əlaqələrimizi daha da inkişaf etdirəcək yeni bir tarixi addımı atdıq. Bu addım çox önəmlidir. Bunu bundan sonrakı prosesdə daha da gücləndirəcəyik və gücləndirərək yolumuza da davam edəcəyik.

Bir az əvvəl qardaşımın ifadə etdiyi kimi, Şuşa Bəyannaməsi ilə əlaqələrimizin yeni dövrdəki yol xəritəsini müəyyənləşdirdik. On bir A4 səhifəsindən ibarət bu Bəyannamə Şuşada bu gün reallığa çevrilir. Bu, son dərəcə önəmlidir. Türkiyə ilə Azərbaycan arasındakı bu Bəyannamə bir sıra məsələləri əhatə edir. Gələcəklə bağlı addımları atarkən, artıq təkcə iki ölkəni deyil, bölgəni əhatə edən bir qətiyyətin bu sənəddə ifadə olunduğunu görürük.

Türkiyə olaraq qədim Şuşa şəhərində ən qısa müddətdə, İnşallah, baş konsulluq açmağı planlaşdırırıq. Beləliklə, bölgədə həyata keçirəcəyimiz fəaliyyətlərin daha sürətli və səmərəli şəkildə icra olunmasını da təmin edəcəyik.

Digər tərəfdən, Azərbaycanın Cənubi Zəngəzur dəhlizi layihəsini çox əhəmiyyətli hesab edir və onu da dəstəkləyirik. Bu layihənin həyata keçirilməsi ilə Şərqdən Qərbə hər kəsin istifadə edə biləcəyi yeni bir ortaq dəhliz açılacaqdır. Bu, çox böyük əhəmiyyət kəsb edir.

Bu düşüncələrlə cənab Prezident Əliyevə mənə və nümayəndə heyətimə göstərdiyi yüksək qonaqpərvərliyə görə təşəkkürümü bildirirəm. Toplantımızda qəbul etdiyimiz qərarların xeyirli olmasını arzu edirəm. Hamınızı sevgi və hörmətlə salamlayıram. Sağlıqla qalın.



***

"Bu gün tarixi gündür. Türkiyə Prezidentini Qarabağ torpağında salamlayırıq. Əziz Qardaşım Azərbaycanda dəfələrlə olub. Ancaq ilk dəfə Qarabağ torpağında, Şuşada biz bir yerdəyik. Bu səfərin tarixi əhəmiyyəti var".

Bu fikri Prezident İlham Əliyev Şuşada mətbuata bəyanatı zamanı söyləyib.

Dövlətimizin başçısı deyib: “Bu gün müttəfiqlik haqqında imzalanmış birgə Bəyannamə əlaqələrimizi ən yüksək zirvəyə qaldırır. Bəyannamənin adı öz-özlüyündə hər şeyi deyir. Biz bu gün keyfiyyətcə yeni əlaqələr qurmuşuq və bu bəyannamədə göstərilən bütün müddəalar bizim gələcək işbirliyimizin təminatıdır".

“Bu gün fərqli bir həyəcanın və hisslərin içərisindəyik. Allaha həmd olsun ki, daha əvvəllər söz verdiklərimizi bu gün yerinə yetirdik. Şükürlər olsun ki, 44 günlük müharibədən sonra Qarabağ öz sahiblərinə qayıtdı, erməni işğalından azad olundu”.

Bunu isə Şuşada səfərdə Türkiyə Prezidenti Rəcəb Tayyib Ərdoğan deyib.

Şuşa Bəyannaməsinin imzalanmasının tarixi əhəmiyyətini xüsusi vurğulayan Prezident Ərdoğan deyib: “Türkiyə ilə Azərbaycan arasındakı bu bəyannamə bir sıra məsələləri əhatə edir. Gələcəklə bağlı addımları atarkən, artıq təkcə iki ölkəni deyil, bölgəni əhatə edən bir qətiyyətin bu sənəddə ifadə olunduğunu görürük”.

İki ölkə Prezidentinin tarixi Şuşa görüşündən sonra mətbuata açıqlamalarının videosunu təqdim edirik:



Korrupsiya.info
OXŞAR MÖVZULAR