Ucar rayon Mirzağa Əliyev küçəsində kanalizasiya problemi: Sakinlər çarəsiz durumda

Ucar rayonu, Mirzağa Əliyev küçəsinin sakinləri artıq uzun müddətdir ki, dözülməz şəraitdə yaşayırlar. Səbəb isə – küçədə kanalizasiya sisteminin tamamilə olmamasıdır. Bu problem nəticəsində məişət suları, tullantılar açıq şəkildə küçəyə axıdılır və evlərin yaxınlığında gölməçələr əmələ gətirir. İy-qoxudan nəfəs almaq mümkün deyil, antisanitariya hökm sürür. Bu vəziyyət sadəcə sakinlərin rahatlığını deyil, eyni zamanda sağlamlığını da ciddi şəkildə təhdid edir.

Sakinlər dəfələrlə aidiyyəti qurumlara — Ucar Rayon İcra Hakimiyyətinə, bələdiyyəyə, Su-Kanal İdarəsinə şikayətlər ünvanlasalar da, hələ də heç bir əməli tədbir görülməyib. Gəlirlər, baxış keçirirlər, vədlər verilir... amma nəticə yoxdur.

Məktəbdə oxuyan uşaqlar, yaşlı insanlar və körpələr bu mühitdə xəstəlik riski ilə üz-üzədir. Yay aylarında vəziyyət daha da pisləşir. Sakinlər artıq səbir kasasını doldurub və ümidlərini də itiriblər.
P.S araşdırmalar davam edir..